Sunday, February 15, 2026
പൂര്ണ്ണ ദണ്ഢവിമോചന പ്രാര്ത്ഥന
24.
പൂര്ണ്ണ
ദണ്ഢവിമോചന പ്രാര്ത്ഥന
(ഈ പ്രാര്ത്ഥന തുടര്ച്ചയായി
7 ദിവസം
ചൊല്ലിയാല് അവര്ക്ക് പൂര്ണ്ണ ദണ്ഡവിമോചനം ലഭിക്കും. )
ഓ എന്റെ ഈശോയേ, /അങ്ങ് ഭൂമിയുടെ പ്രകാശമാണ്./ എല്ലാ ആത്മാക്കളേയും സ്പര്ശിക്കുന്ന അഗ്നി
ജ്വാലയാണല്ലോ അങ്ങ്./ അങ്ങയുടെ കാരുണ്യവും സ്നേഹവും അതിരുകളില്ലാത്തതാണല്ലോ./
കുരിശുമരണത്താല് അങ്ങ് നടത്തിയ ബലിദാനത്തിന് /ഞങ്ങള് അയോഗ്യരാകുന്നു./
എന്നിരുന്നാലും, /അങ്ങേയ്ക്ക് ഞങ്ങളോടുള്ള സ്നേഹം, /ഞങ്ങളുടെ സ്നേഹത്തേക്കാള് വളരെ വലുതാണെന്ന് ഞങ്ങളറിയുന്നു./ അങ്ങയുടെ പുതിയ
രാജ്യത്തിന് ഞങ്ങള് യോഗ്യരാകുവാന്,/ എളിമയെന്ന
ദാനം, /ഓ കര്ത്താവേ, /ഞങ്ങള്ക്ക് നല്കേണമേ./ ഈ ലോകത്തിലേക്കുള്ള അങ്ങയുടെ രണ്ടാമത്തെ വരവിന്റെ
മഹത്വത്തിനായി /ഞങ്ങളുടെ സഹോദരന്മാരേയും സഹോദിമാരേയും ഒരുക്കുവാനും,/ സത്യമായ അങ്ങയുടെ തിരുവചനം പ്രഘോഷിക്കുവാന്/ അങ്ങയുടെ സൈന്യത്തെ
നയിച്ചുകൊണ്ട് മുന്നോട്ട് പോകുവാനും, / അങ്ങയുടെ
പരിശുദ്ധാത്മാവാല് ഞങ്ങളെ അഭിഷേകം ചെയ്യേണമേ./ അങ്ങയെ ഞങ്ങള് ബഹുമാനിക്കുന്നു./
അങ്ങയെ ഞങ്ങള് വാഴ്ത്തുന്നു./ ആത്മാക്കളെ രക്ഷിക്കുവാനായി, /ഞങ്ങളുടെ ദുഖങ്ങളും, സഹനങ്ങളും, ഞങ്ങളെ മുഴുവനായും /ഒരു സമ്മാനമായി അങ്ങേയ്ക്ക് ഞങ്ങള് നല്കുന്നു. / ഈശോയേ, അങ്ങയെ ഞങ്ങള് സ്നേഹിക്കുന്നു./ അങ്ങയുടെ മക്കള് എവിടെയായിരുന്നാലും,/ അവരുടെമേല് കരുണയായിരിക്കേണമേ. ആമ്മേന്.
Monday, February 9, 2026
PRAYERS
Kumbasarathinulla Japam
കുമ്പസാരത്തിനുള്ള ജപം
സര്വ്വശക്തനായ ദൈവത്തോടും നിത്യകന്യകയായ പരിശുദ്ധ മറിയത്തോടും പ്രധാന മാലാഖയായ വിശുദ്ധ മിഖായേലിനോടും വിശുദ്ധ സ്നാപക യോഹന്നാനോടും ശ്ലീഹന്മാരായ വിശുദ്ധ പത്രോസിനോടും വിശുദ്ധ പൌലോസിനോടും വിശുദ്ധ തോമായോടും സകല വിശുദ്ധരോടും പിതാവേ അങ്ങയോടും ഞാന് ഏറ്റുപറയുന്നു.വിചാരത്താലും വാക്കാലും പ്രവൃത്തിയാലും ഞാന് വളരെ പാപം ചെയ്തുപോയി.എന്റെ പിഴ,എന്റെ പിഴ,എന്റെ വലിയ പിഴ. ആകയാല് നിത്യകന്യകയായ പരിശുദ്ധ മറിയത്തോടും പ്രധാന മാലാഖയായ വിശുദ്ധ മിഖായേലിനോടും വിശുദ്ധ സ്നാപക യോഹന്നാനോടും ശ്ലീഹന്മാരായ വിശുദ്ധ പത്രോസിനോടും വിശുദ്ധ പൌലോസിനോടും വിശുദ്ധ തോമായോടും സകല വിശുദ്ധരോടും പിതാവേ അങ്ങയോടും നമ്മുടെ കര്ത്താവായ ദൈവത്തോട് എനിക്കുവേണ്ടി പ്രാര്ദ്ധിക്കണമേ എന്നു ഞാന് അപേക്ഷിക്കുന്നു.ആമ്മേന്.
മനസ്താപപ്രകരണം
എന്റെ ദൈവമേ/ ഏറ്റം നല്ലവനും/ എല്ലാറ്റിനും ഉപരിയായി സ്നേഹിക്കപ്പെടുവാന്/ യോഗ്യനുമായ/ അങ്ങേയ്ക്കെതിരായി പാപംചെയ്തുപോയതിനാല്/ പൂര്ണ്ണഹൃദയത്തോടെ/ ഞാന് മനസ്തപിക്കുകയും/ പാപങ്ങളെ വെറുക്കുകയും ചെയ്യുന്നു/ അങ്ങയെ ഞാന് സ്നേഹിക്കുന്നു/ എന്റെ പാപങ്ങളാല്/ എന്റെ ആത്മാവിനെ / അശുദ്ധനാ (യാ)/ ക്കിയതിനാലും/ സ്വര്ഗ്ഗത്തെ നഷ്ടപ്പെടുത്തി നരകത്തിന് അര്ഹനായി (അര്ഹയായി) ത്തീര്ന്നതിനാലും/ ഞാന്/ ഖേദിക്കുന്നു/ അങ്ങയുടെ പ്രസാദവരസഹായത്താല്/ പാപസാഹചര്യങ്ങളെ ഉപേക്ഷിക്കുമെന്നും/ മേലില് പാപം ചെയ്യുകയില്ലെന്നും ഞാന് ദൃഢമായി പ്രതിജ്ഞ ചെയ്യുന്നു. ഏതെങ്കിലുമൊരു പാപം ചെയ്യുക എന്നതിനേക്കാള് മരിക്കാനും ഞാന് സന്നദ്ധനാ(യാ)യിരിക്കുന്നു.
Mass and Confession Time
Our Lady of Dolours Shrine Basilica (The Basilica of Our Lady of Dolours, also known as Puthenpally),Thrissur
Confession Timing: 10 --- 12.30
2.30 --- 5.00
MassTiming:ST. ANTONY'S CHURCH - MACHADAROGYAMATHA CHURCH - KARUMATHRA | Sunday: 06:00am,07:30am,09:30am,05:30pm,07:30pm, Monday: 06:00am, 07:30am, 05:30pm, Tuesday: 06:00am, 07:30am, 05:30pm, Wednesday: 06:00am, 07:30am, 05:30pm, Thursday: 06:00am, 07:30am, 05:30pm, Friday:06:00am,07:30am,10:00am,03:00pm,05:30pm,07:30pm, Saturday: 06:00am, 07:30am, 05:30pm. MassTiming:
|
|---|
Friday, February 6, 2026
Thursday, February 5, 2026
Tuesday, January 27, 2026
കരുണയുടെ ജപമാല
കരുണയുടെ ജപമാല
നിയോഗം :
ലോകം മുഴുവന്റെയും,നമ്മുടെയും
പാപപരിഹാരത്തിനായി
(1 സ്വര്ഗ്ഗ.1
നന്മ .1 വിശ്വാസപ്രമാണം...........)
വലിയമണികളില്: ;
നിത്യ പിതാവേ എന്റെയുംലോകം മുഴുവന്റെയും
പാപപരിഹാരത്തിനായി അങ്ങയുടെ വത്സല സുതനും ഞങ്ങളുടെ രക്ഷകനുമായ കര്ത്താവീശോ
മിശിഹായുടെ ശരീരവും രക്തവും ആത്മാവും ദൈവത്വവും അങ്ങേക്കു ഞാന് കാഴ്ചവയ്ക്കുന്നു.
ചെറിയ മണികളില് ;
ഈശോയുടെ അതിദാരുണമായ പീഡാനുഭവങ്ങളെക്കുറിച്ച്,,,
പിതാവേ ഞങ്ങളുടേയും ലോകം മുഴുവന്റെയും മേലും
കരുണയായിരിക്കണമേ.
( 10 പ്രാവശ്യം )
ഓരോ ദശകങ്ങളും കഴിഞ്ഞാൽ:
പരിശുദ്ധനായ ദൈവമേ, പരിശുദ്ധനായ ബലവാനേ ,പരിശുദ്ധനായ അമര്ത്യനെ ഞങ്ങളുടെയും
ലോകം മുഴുവന്റെയും മേല് കരുണയായിരിക്കണമേ.
( 3 പ്രാവശ്യം )
ജപമാലയുടെ അവസാനം :
കര്ത്താവായ ദൈവമേ ഞങ്ങളെ രക്ഷിക്കണമേ.അങ്ങേ മക്കളോട് കരുണ
കാണിക്കണമേ .ഞങ്ങളും ഞങ്ങളുടെ മാതാപിതാക്കളും സഹോദരങ്ങളും ബന്ധുക്കളും മിത്രങ്ങളും
ശത്രുക്കളും പൂര്വ്വികരും വഴി വന്നു പോയ പാപങ്ങളും അപരാധങ്ങളും ക്ഷമിക്കണമേ
.ഞങ്ങളെ ശിക്ഷിക്കരുതേ. ഞങ്ങളുടെ കടങ്ങള് ഇളച്ചുതരണമേ. ഞങ്ങളെ അങ്ങയുടെ
സ്വന്തമായി സ്വീകരിച്ച് അങ്ങേ അരൂപിയിലൂടെ നയിക്കണമേ .
( 3 പ്രാവശ്യം)
Subscribe to:
Comments (Atom)